चीला रोटी छत्तीसगढ़ी व्यन्जन

चन्नी कस छेदा-छेदा चीला रोटी ताय जी।
गुलगुलहा चीला सब मिल के खाय जी।।

हरेली तिहार में सबो घर बनाय जी।
नागर तुतारी के संग में बइला ल खिलाय जी।।

नुन्हा अऊ गुडहा दुये टन ताये जी।
नुन्हा चीला पताल चटनी में अड़बड़ मिठाय जी।।

जेन खाय येला येखर दीवाना हो जाये जी।
चन्नी कस छेदा-छेदा चीला रोटी ताय जी।।

हमार दाई अपन मया मिला के येला बनाये जी।
चन्नी कस छेदा-छेदा चीला रोटी ताय जी।।
             
               

                    रामेश्वर साहू