🌹मोर आँखी म तोर सपना🌹

*🌹मोर आँखी म तोर सपना🌹*

🤦‍♂आँखी मा मोर गोरी,
          सपना हे तोर गोरी।
मया के गठरी ल,
           अइसे झन छोर गोरी।।

🥳दिल तो बच्चा हे,
            मया मोर सच्चा हे।
मान ले कहना तै,
            तोरो भर अच्छा हे।।

🗣सुन ले तै बात गोरी,
            देदे न साथ गोरी।
रानी तोर सुरता मा,
             कटे नही रात गोरी।।

😘रूप तोर सुहाना हे,
           दिल मोर दीवाना हे।
चाहे मोर जान जाएं,
             फेर तोला पाना हे।।

😏नखरा ला टार गोरी,
          करले तै मया गोरी।
मुश्किल मा मिलथे,
           सच्चा दिलदार गोरी।।

💃लहराये तोर अचरा के छोर गोरी।
बांध लें मोर संग पिरीत के डोर गोरी।।

🚘तोर संग मया हे,
        ये दिल बेकरार हे।
चल दुनो भाग चली,
          गाड़ी तैयार हे।।

👪तोर संग में आना हे,
          तोर संग में जाना हे।
जतका भी जिनगी हे,
           तोर संग म बिताना हे।।

👁नैना तोर चोर हे गोरी,
            दिल लेगे मोर गोरी।
तोर मया अंतस मा,
            मारत हे हिलोर गोरी।।

    🌹🌹🌸🌸🌸🌹🌹

         🙇अशवनी साहू🙇