🌺वादा करले🌺

                *_🤝🌺वादा करले🌺🤝_*

वादा करते जा रे गोरी।
          मिले बर आबे तै साँझ के।।

भर के आबे रे पानी गुंडी तै।
          बर्तन भाड़ा ल माँज के।।

माथा में तोर लाली सजाके।
         कान में सोनहा बाली लगाके।।

लाली लुगरा पहिर के आबे।
         आँखी म काजर आंज के।।

वादा करते जा रे गोरी।
          मिले बर आबे तै साँझ के।।

झन तै अबड़ देरी लगाबे।
          गांठ बांध लें झन तै भुलाबे।।

पहिर के आबे पांव म पैरी।
           हाथ म चूरी ल भांज के।।

वादा करते जा रे गोरी।
         मिले बर आबे तै साँझ के।।
      
              🌲अशवनी साहू🌲