🌲🐮हमर महतारी गऊ🐮🌲

                 🌲🐮हमर महतारी गऊ🐮🌲

बड़ मयारू हे भाई हमर गऊ महतारी,
              येखर मूत्र ले दूर हो जाथे बड़े-बड़े बीमारी।

संझा-बिहनियां दूध देवइया ताय,
               सूखा पैरा-भूसा , कांदी-कचरा ल खाय।

दूध ले बनथे तोर रंग-रंग के मिष्ठान,
                जेखर भोग खाथे ल जम्मो देवी-भगवान।

अपन दूध ल पियाके दाई करे हमला बड़े,
               बड़ अभागी हे ये मानुष जउन तोला मारे बर खड़े।

तोर दूध ल पीके धन्य होगिस श्रीकृष्ण भगवान,
                  हमर घर के तहि लक्ष्मी अमर रहे तोर नाम।

तोर रहे के ठउर नई हे बनगे बड़े-बड़े भवन,
          तोर आशीर्वाद के बिना सिद्ध नई होये कोई हुम-हवन।

तोर महिमा हे दाई अपरम्पार,
            बछरू ल छोड़ जथस चरे खेत-खार।

                   🐮🐮🐮🌱🌱🐮🐮🐮


                    🥛🌳अशवनी साहू🌳🥛