🌧🌹🌧मया के बरसात🌧🌹🌧

               🌧🌹🌧मया के बरसात🌧🌹🌧


तोर-मोर होईस जब पहली मुलाकात,
            अइसे लागथे जइसे, होवत हे मया के बरसात।

होईस जबले हमर मिले के सुरुवात,
             लागथे अइसे, होवत हे जइसे मया के बरसात।

खाये रहेन कसम, दुनो जीबो साथ-साथ,
              किरिया खा के कहत हव, होवत हे मया के बरसात।

नई पूछे तै-नई पुछेव मैं, एक-दूसर ले जात-पात,
             हमेशा मया बनाय रखबे गोरी, होवत रही मया के बरसात।

मिल के रहे ले तोर-मोर, कखरो कुछु नई हे जात,
              जबले तै मिले हच गोरी, लागथे होवत हे मया के बरसात।

हमर मया के गोठ ल, जम्मो गोठियावत हे आवत-जात,
           जमाना बइरी ल गोठियान दे, होवन दे मया के बरसात।

मया के छाता लाये हव, आजा ओढ़ ले मोर साथ,
               छाये हे प्रीत के बादर, होवन दे मया के बरसात।


              🌧🌧🌧🌧⛈☔⛈🌧🌧🌧🌧


                🎍🌻🎍 अशवनी साहू 🎍🌻🎍