🌹🌹मेहंदी🌹🌹

                          🌹🌹मेहंदी🌹🌹 

मेहंदी लगा के बइठे हस गोरी, 

                      तै मोर इंतजार म।

तोला लेगे बर आवत हव गोरी,

                   बाराती संग कार म।

अइसे मेहंदी लगाबे गोरी,

            उतरय झन सावन-आषाढ म।

आये हव लेगे बर तोला मैं,

             भटक झन तै बेकार म।

जतका चढ़ते मेहंदी के रंग,

            बढ़ जाथे उतके प्रेमी के प्यार।

तोर मया ल पाये के खातिर,

            तड़पे हव महू कई बार।

मेहंदी लगाये देख के तोला,

             तोर सँगवारी घलो लगावत हे।

लेगे बर आये हे तोर मयारू,

             कहिके तोला बड़ चिढ़ावत हे।

इंतजार के घड़ी आज सिरागे,

             गवाही हे जम्मो समाज न।

मेहंदी लगा के मोर मया के,

             छोड़ दिये तै लाज न।

मेहंदी लगे हे तोर हाथ म,

              बिदाई के गीत गावत हे।

बड़ सुंदर दिखत हस गोई,

             सबके मन ल भावत हे।

              🌻🌻🌻❤❤💑❤❤🌻🌻🌻

                           🌹अशवनी साहू🌹