लॉकडाऊन।

देश के जम्मो गांव-गली जम्मो शहर अऊ टाऊन,

होगे हावय सुन्ना चलत हे देश म लॉकडाऊन।

आये हे भयंकर महामारी डरे हे कोना-कोना,

एक-दूसर ल छुये म होथे नाम हे कोरोना।

ऐखर ले छुटकारा पाये बर रखना हे सामाजिक दूरी,

कखरो बर अच्छा हे कखरो बने हावय मजबूरी।

जम्मो डहर चहल-पहल रहय, रहय भीड़-भाड़,

नजर भर देख डारेवं कोनो नइहे दिखत हे अकेला सांड।

दिन-रात जाग-जाग के बड़ चान्दी-सोना,

जम्मो अपन घर मे सुरक्षित रहव आये हे कोरोना।

कोरोना के आये ले अऊ जम्मो बीमारी बिसर गे,

दुनियां के धोवई होके जम्मो चुक-चुक ले निखर गे।

दुनियां के जम्मो नेता कहत हे घर म रहव बाहिर हे कोरोना,

रोज नवां-नवां वादा करत हे जेखर ले गरीब के हे रोना।

*अशवनी साहू*